ГалоўнаяНавіныНавіны Нацыянальнай бібліятэкі Беларусі
Бібліятэка – асяродак нацыянальнай культуры
Слонім і наваколле

Як прайшоў Дзень беларускага пісьменства для Нацыянальнай бібліятэкі?

Як прайшоў Дзень беларускага пісьменства для Нацыянальнай бібліятэкі?
Іншыя навіны

Калі коратка адказаць на пытанне ў загалоўку, то – актыўна. Супрацоўнікі галоўнай бібліятэкі краіны пачалі працаваць 31 жніўня – за дзень да афіцыйнага пачатку святкавання XXVI Дня беларускага пісьменства ў Слоніме.

На працягу двух дзён праводзіліся экскурсіі для жыхароў і гасцей горада па выстаўцы “Слонім і наваколлі”, прысвечаная Году малой радзімы. Асабліва гасцей парадавалі кніжныя рарытэты, звязаныя са знакамітымі людзьмі Слонімшчыны, а таксама магчымасць убачыць на свае вочы і нават памацаць факсімільнае выданне Берасцейскай Бібліі.

Гасцямі выстаўкі станавіліся вучні, якія прыязджалі цэлымі класамі з мясцовых школ. Загадчыца сектара арганізацыі кніжных выставак Ірына Васільковіч і загадчыца сектара музейнай дзейнасці Таццяна Захарава азнаёмілі дзяцей з экспазіцыяй і адказалі на зададзеныя ім пытанні.

Прыемным сюрпрызам для бібліятэкі стала кніга “Неугасаемая лампада” пра Жыровіцкі манастыр з аўтографам і подпісам, падораная яе аўтарам – Васілём Афанасікам.

Яшчэ адно пасланне чытачам “алмаза ведаў” пакінуў краязнаўца Сяргей Чыгрын у сваёй кнізе “Слонім і ваколіца”.

Ганаровымі гасцямі выстаўкі сталі ўнучкі Якуба Коласа Вера і Марыя Міцкевічы, дачка пісьменніка Алеся Адамовіча Наталля Адамовіч, літаратуразнаўца і пісьменнік Аляксандр Бельскі.

Паспяхова прайшла прэзентацыя электроннага выдання “Слонім і наваколлі праз прызму старажытных дакументаў, паданняў, даследаванняў”, падрыхтаваная супрацоўнікамі бібліятэкі спецыяльна да свята.

Таксама радасна была сустрэта дабрачынная акцыя “Чытанне – прастора інфармацыі і ведаў”. Метадычная, навукова-папулярная, энцыклапедычная літаратура стане выдатнай падмогай для адукацыі навучэнцаў сярэдняй школы № 3 г. Мiнска i Слонімскага дзяржаўнага медыцынскага каледжа, а мастацкія і іншыя выданні пацешаць чытачоў Слонімскай раённай бібліятэкі.

У рамках мерапрыемства прайшла ўрачыстая цырымонія ўзнагароджання пераможцаў XXVII Рэспубліканскага конкурсу “Бібліятэка – асяродак нацыянальнай культуры”. Госці Дня беларускага пісьменства маглі азнаёміцца з конкурснымі работамі на адмысловай выстаўцы.

Матэрыял прадастаўлены аддзелам сувязей з грамадскасцю.

Навіны

Як трусік Пітэр і Джамайма Крак стварылі першы кніжны мерч

11 Чэр 2021

Пра любое новае захапленне часта хочацца крычаць на ўвесь свет. Зачапіла кніга? Куплю закладкі з цытатамі! Спадабалася музычная група? Хутчэй, трэба купіць футболку з яе лагатыпам! Уразіў новы фільм? Ну, вы зразумелі ход думкі. Чым бы мы ні захапляліся, напэўна ў свеце ўжо ёсць падыходзячы мерч – вопратка, аксесуары і іншыя рэчы з сімволікай. Лічыцца, што эпоха мерчу пачалася з дыснееўскай Беласнежкі і выпуску лялек з галоўнай гераіняй, гномамі і добрымі звярамі-сябрамі. Але мала хто ведае, што першы сапраўдны мерчандайз быў... кніжным. Хвіліначку ўвагі, спадары і спадарыні: сёння мы паглядзім, як трусік Пітэр і Беатрыс Потэр сталі піянерамі ў гэтай няпростай справе і што з гэтага выйшла.

Аўтарскі погляд

Віртуальная чытальная зала НББ для публічных бібліятэк Мінскай вобласці: інфармацыйна-бібліятэчнае абслугоўванне карыстальнікаў у сучасных умовах

10 Чэр 2021

Нацыянальная бібліятэка працягвае серыю мерапрыемстваў, прысвечаных пытанням метадычнага забеспячэння работы публічных бібліятэк розных рэгіёнаў нашай краіны.

Навіны Нацыянальнай бібліятэкі Беларусі

Каштоўнае папаўненне фондаў Нацыянальнай бібліятэкі Беларусі

9 Чэр 2021

Фонды бібліятэкі ўвесь час папаўняюцца, але найбольшую цікавасць і каштоўнасць уяўляюць кнігі і экспанаты, якія трапляюць у галоўнае кнігасховішча краіны з уласных палічак саміх аўтараў ці іх нашчадкаў. Сёння мы рады прадставіць вам такое выданне.

Да 100-годдзя літаб'яднання "Маладняк"

Апублікаваныя відэаматэрыялы сімпозіума “Узаемадзеянне бібліятэк, выдавецтваў і кнігараспаўсюджвальнікаў у Расіі і свеце – вопыт і перспектывы”

9 Чэр 2021

У мерапрыемстве ўзялі ўдзел прадстаўнікі нацыянальных бібліятэк розных краін і спецыялісты выдавецкіх і кнігараспаспаўсюджвальных арганізацый.

Навіны Нацыянальнай бібліятэкі Беларусі

Бібліятэкарам
111