11 кастрычніка ў бібліятэцы адбылася секцыя для дырэктараў беларускіх педагагічных каледжаў “Актуальныя пытанні падрыхтоўкі педагагічных кадраў з сярэдняй спецыяльнай адукацыяй”.
Мерапрыемства прайшло ў рамках Рэспубліканскіх педагагічных чытанняў “Сярэдняя спецыяльная адукацыя: традыцыі і інавацыі”.
У ходзе секцыі першы намеснік дырэктара Нацыянальнай бібліятэкі Беларусі Алена Далгаполава выступіла з дакладам “Інфармацыйная культура вучняў: падыходы да фарміравання”.
Удзельнікі мерапрыемства абмеркавалі стратэгіі развіцця сярэдняй спецыяльнай педагагічнай адукацыі, інфармацыйную культуру вучняў, абнаўленне зместу адукацыйных праграм і іншыя аспекты падрыхтоўкі педагагічных кадраў.
У канцы секцыі гасцей чакала аглядная экскурсія па Нацыянальнай бібліятэцы.
Матэрыял прадстаўлены аддзелам сувязяў з грамадскасцю.
