17 чэрвеня а 16-й гадзіне ў галерэі “Лабірынт” (3-ці паверх) адбудзецца творчы вечар “Я роду свайму ў пояс пакланюся”, прымеркаваны да 60-годдзя вядомага этнакультуролага Івана Крука.
Пад час імпрэзы ў гонар Івана Крука госці дазнаюцца пра яго ўнікальныя работы ў галіне этназнаўства. Нацыянальная бібліятэка прадставіць увазе прысутных 15 манаграфій вучонага і мноства твораў вуснай народнай творчасці, запісаных ім у падарожжах па ўсіх куточках нашай краіны.
Арганізатарамі мерапрыемства выступілі Нацыянальная бібліятэка Беларусі і рэспубліканскае ўнітарнае прадпрыемства “Выдавецтва «Адукацыя і выхаванне»”.
Тэлефоны для даведак: (8 017) 293 27 56, 293 29 80.
Е-mail: pr@nlb.by
Да 60-годдзя беларускага вучонага-фалькларыста, культуролага і педагога Івана Іванавіча Крука з 10 чэрвеня па 20 ліпеня ў Нацыянальнай бібліятэцы Беларусі праходзіць выстаўка “Шануючы законы продкаў”.