ГалоўнаяНавіныНавіны Нацыянальнай бібліятэкі Беларусі
Перадача кніг у дар бібліятэкам Брэсцкай вобласці
19 і 20 красавіка адбудзецца фестываль “Горад і кнігі”

Выйшаў зборнік “Рэха беларускіх кнігазбораў: лёсы прыватных бібліятэк”

Выйшаў зборнік “Рэха беларускіх кнігазбораў: лёсы прыватных бібліятэк”
Іншыя навіны

Нацыянальнай бібліятэкай Беларусі падрыхтаваны і выдадзены зборнік артыкулаў “Рэха беларускіх кнігазбораў: лёсы прыватных бібліятэк”.

Зборнік прадстаўляе матэрыялы па гісторыі прыватных кніжных калекцый Беларусі пачынаючы з XVІ ст. і да нашага часу. Прыватныя кнігазборы мінулага з’яўляюцца неад’емнай часткай айчыннай і сусветнай культуры, сапраўднымі сведкамі гісторыі. У іх стагоддзямі назапашвалася і захоўвалася навуковая і культурная спадчына краіны. Гэта ўнікальная крыніца вывучэння самых розных галін культуры: кнігазборы акумуліруюць інфармацыю, неабходную для спасціжэння гісторыі, грамадскай думкі, культурных кантактаў, для ўзнаўлення рэпертуару і шляхоў міграцыі беларускай кнігі, для даследавання жыцця і дзейнасці асобных людзей.

Кнігі з гэтах калекцый за сваё жыццё набылі непаўторныя рысы – адметныя пераплёты, экслібрысы і пячаткі, уладальніцкія і чытацкія паметы і запісы, што адлюстроўваюць і лёс самога паасобніка, і гісторыю бібліятэкі, з якой ён паходзіць. Даследаванне беларускіх кнігазбораў – гэта аднаўленне важнай крыніцы для вывучэння нацыянальнай гісторыі і культуры, сапраўднае вяртанне нашай спадчыны.

Частка артыкулаў, уключаных у зборнік, ужо была апублікавана, але ў малатыражных і маладаступных крыніцах, якія сёння з цяжкасцю можна знайсці нават у буйнейшых бібліятэках. Артыкулы дапрацаваны з улікам новых знаходак і вынікаў апошніх даследаванняў.

Складальнікам зборніка з’яўляецца вядомы кнігазнавец, заслужаны дзеяч культуры Рэспублікі Беларусь Таццяна Іванаўна Рошчына. Сярод аўтараў – Г. Галенчанка, Л. Коўкель, Ю. Лабынцаў, А. Мальдзіс, М. Нікалаеў і іншыя вядомыя вучоныя, даследчыкі, гісторыкі, філолагі, кнігазнаўцы, бібліятэкары з Беларусі, Расіі і Польшчы.

Матэрыялы зборніка будуць карыснымі для даследчыкаў беларускай культуры, педагогаў, супрацоўнікаў бібліятэк, архіваў, музеяў і ўсіх, хто цікавіцца нашай спадчынай.

Зборнік “Рэха беларускіх кнігазбораў: лёсы прыватных бібліятэк” можна набыць па падпісцы альбо купіць у кіёску, размешчаным на 1-м паверсе бібліятэкі каля галоўнага ўвахода.

Змест зборніка

Матэрыял прадастаўлены навукова-даследчым аддзелам кнігазнаўства.

Навіны

15 лютага споўнілася 95 гадоў з дня нараджэння ветэрана Нацыянальнай бібліятэкі Беларусі – Ігара Валянцінавіча Жолудзева

18 Лют 2020

Ігар Валянцінавіч Жолудзеў нарадзіўся ў 1925 годзе ў г. Ленінградзе. У 1933 годзе пачаў сваё навучанне ў школе. Аднак бязлітасная вайна ўварвалася ў яго бясхмарнае дзяцінства і юнацтва, пабудаваўшы свой сцэнар жыццёвага шляху.

Партрэты: гісторыя бібліятэкі ў асобах

Практыкум па ўжыванні УДК на беларускай мове

18 Лют 2020

У Мінскай абласной бібліятэцы імя А.С. Пушкіна 20 лютага адбудзецца практыкум, прысвечаны ўжыванню міжнароднай класіфікацыйнай сістэмы “Універсальная дзесятковая класіфікацыя” на беларускай мове для арганізацыі краязнаўчых фондаў і іх адлюстравання ў інфармацыйна-пошукавых сістэмах публічных бібліятэк.

Навіны Нацыянальнай бібліятэкі Беларусі

Да 100-годдзя да выхаду газеты “Савецкая Беларусь”

17 Лют 2020

Люты 1920 года адзначыўся выхадам у Смаленску беларускамоўнай газеты “Савецкая Беларусь” – органа Цэнтральнага камітэта Камуністычнай партыі Літвы і Беларусі. Не трэба атаясамліваць гэта перыядычнае выданне з газетай “Советская Белоруссия”, якая пачала друкавацца толькі ў 1927 г.

Праект “Сведкі эпохі: Беларусь на старонках газет 100-гадовай даўніны”

Каштоўнасці і прыярытэты XXI стагоддзя: сацыяльная справядлівасць

19 Лют 2020

З 19 лютага па 17 сакавіка ў зале дакументаў міжнародных арганізацый (пам. 207g) адкрыта тэматычная выстаўка “Каштоўнасці і прыярытэты XXI стагоддзя: сацыяльная справядлівасць”, прысвечаная Сусветнаму дню сацыяльнай справядлівасці.

Кніжныя выстаўкі

111