ГалоўнаяНавіныНавіны Нацыянальнай бібліятэкі Беларусі
Што за цуд гэтыя казкі!
Візіт дэлегацыі АДКБ

Вывучэнне рукапіснай кнігі ў “Клубе кніжных прафесараў”

Вывучэнне рукапіснай кнігі ў “Клубе кніжных прафесараў”
Іншыя навіны

У “Клубе кніжных прафесараў” адбыліся заняткі “Рукапісная кніга”.


Удзельнікі змаглі не толькі тэарэтычна пазнаёміцца са старадаўнімі матэрыяламі для пісьма, але і на практыцы ўзнавіць сам працэс.

На занятках "прафесары" пісалі на васкавых таблічках (васкоўках) з дапамогай пісала. Нібыта вельмі проста. Аднак, заціраць і выраўніваць напісанае, рыхтаваць васкавую паверхню да новага запісу – працэс складаны, патрабуе сілаў і цярпення. На занятках юныя даследчыкі пазнаёміліся з гісторыяй беларускай рукапіснай кнігі і змаглі пагартаць факсімільныя выданні айчынных рукапісных помнікаў – Полацкага і Слуцкага Евангелій. Дзеці атрымалі ўяўленне пра асаблівасці мастацкага афармлення рукапіснай кнігі.

Асаблівая ўвага была нададзена буквіцы як элементу афармлення тэксту. Буквіцу ставілі напачатку тэксту, рабілі яе вялікага памеру і багата расквечвалі разнастайным арнаментам. Яе раней вельмі часта пісалі чырвоным колерам. Адсюль і пайшло паняцце “чырвоны радок” – пачатак абзаца.

Удзельнікі заняткаў атрымалі магчымасць уключыцца ў творчы працэс і стварыць сваю ўнікальную першую літару. Дзеці самі малявалі буквіцу і такім чынам станавіліся актыўнымі прадаўжальнікамі рукапіснай традыцыі.

Чытайце таксама:

Навіны

Адам Шаняўскі і бібліятэчны фонд павятовай школы Нясвіжа (апошняя чвэрць XVIII ст.)

25 Кра 2024

24 красавіка на Міжнароднай навукова-практычнай канферэнцыі “Румянцаўскія чытанні – 2024” у Маскве галоўны бібліёграф аддзела даведачна-інфармацыйнага абслугоўвання Вольга Палунчанка прадставіла даклад “Роля Адама Шаняўскага ў арганізацыі бібліятэчнага фонду Нясвіжскай павятовай школы (апошняя чвэрць XVIII ст.)”.

Навіны Нацыянальнай бібліятэкі Беларусі

Нацыянальная бібліятэка адзначыла Сусветны дзень кнігі і аўтарскага права і Міжнародны дзень інтэлектуальнай уласнасці

24 Кра 2024

23 красавіка ў бібліятэцы адбыўся адукацыйны семінар “Аўтарскае права ва ўмовах лічбавай трансфармацыі”, арганізаваны сумесна з Нацыянальным цэнтрам інтэлектуальнай уласнасці пры ўдзеле юрыдычнага факультэта Беларускага дзяржаўнага ўніверсітэта.

Навіны Нацыянальнай бібліятэкі Беларусі

Міжнародны семінар “Рэстаўрацыя дакументаў часоў Вялікай Айчыннай вайны”

24 Кра 2024

22 красавіка ў рамках праграмы прафесійнага развіцця “Культурная спадчына як аснова міжкультурнага дыялогу. Стратэгіі захаванасці ў Расіі і Беларусі” ў Нацыянальнай бібліятэцы Беларусі адбыўся семінар “Рэстаўрацыя дакументаў часоў Вялікай Айчыннай вайны”.

Навіны Нацыянальнай бібліятэкі Беларусі

Спявак бясконцай любві

25 Кра 2024

Юбілейная выстава “Спявак бясконцай любві”, прысвечаная 200-годдзю з дня нараджэння Шарля Азнавура (1924–2018), праходзіць з 25 красавіка па 18 чэрвеня ў зале нотных і аўдыявізуальных дакументаў (пам. 305).

Кніжныя выстаўкі

Бібліятэкарам