22 студзеня ў вучняў 4-га класа сярэдняй школы Стэмбрыдж (Stembridge) урок адбываўся не ў прасторы класа, а ў музеі кнігі Нацыянальнай бібліятэкі Беларусі.
Дзеткі вывучалі жыццёвы шлях і дзейнасць беларускага першадрукара Францыска Скарыны.
У музеі школьнікі атрымалі ўнікальную магчымасць убачыць кнігі Ф. Скарыны, выдадзеныя ў Празе больш за 500 гадоў таму.
Заняткі ўяўлялі займальны расказ з элементамі інтэрактыву пра жыццё і дзейнасць Францыска Скарыны і спрыялі ўсведамленню ролі беларускага першадрукара ў развіцці нацыянальнай культуры. Школьнікі самі рабілі даследаванне, якое дазволіла не проста паверыць у навуковы факт, а абапіраючыся на гістарычныя дакументы, самому ўдзельнічаць у навуковым адкрыцці. Для гэтага на занятках выкарыстоўваліся гістарычныя карты і факсімільныя выданні кніг Ф. Скарыны.
Заняткі прадугледжвалі творчыя заданні. Школьнікі складвалі з пазлаў партрэт Францыска Скарыны і тытульны аркуш першай кнігі, а пасля абмяркоўвалі выявы, якія атрымаліся. У завяршэнне заняткаў кожны ўдзельнік надрукаваў на памяць сімвал першай беларускай друкаванай кнігі – Сонца маладзіковае.
Запрашаем школьнікаў на музейныя заняткі ў межах праекта “У госці да кніг”.
Матэрыял прадастаўлены навукова-даследчым аддзелам кнігазнаўства.
