27 мая ў Нацыянальнай бібліятэцы Беларусі пачала работу міжнародная навуковая канферэнцыя “Вытокі і вынікі Другой сусветнай вайны: у люстэрку навукі і ідэалогіі”, прысвечаная 65-годдзю Перамогі.
Арганізатарамі мерапрыемства выступілі Федэральнае агенцтва па справах Садружнасці Незалежных Дзяржаў, суайчыннікаў, якія пражываюць за мяжой, і па міжнародным гуманітарным супрацоўніцтве (Россотрудничество), Беларуская асацыяцыя палітычных навук, Нацыянальная бібліятэка Беларусі пры падтрымцы Міждзяржаўнага фонду гуманітарнага супрацоўніцтва дзяржаў – удзельніц СНД.
З дакладамі аб праблемах адлюстравання Другой сусветнай вайны ў навуцы і ідэалогіі выступілі вучоныя-гісторыкі, палітолагі і журналісты з Расіі, Украіны і Беларусі.
Першы дзень мерапрыемства завяршыўся абмеркаваннем такіх тэм, як “Пакт «Молатава-Рыбентропа» ў кантэксце змены геапалітычнай карціны свету”, “Руская гісторыя ва ўкраінскіх школьных падручніках”, “Сімвалы і вобразы вайны ва ўяўленнях навучэнцаў Беларусі, Расіі, Украіны”.
Працяг канферэнцыі – 28 мая ў Музеі Вялікай Айчыннай вайны.
 |
 |
 |
