ГалоўнаяНавіныНавіны Нацыянальнай бібліятэкі Беларусі
Бібліятэка ХХІ стагоддзя
У Беларусі выпусцілі “літаратурны шакалад”. Паглядзіце, як ён выглядае

Выстаўка, прэзентацыя, кнігі: што падрыхтавала бібліятэка да свята пісьменства

Выстаўка, прэзентацыя, кнігі: што падрыхтавала бібліятэка да свята пісьменства
Іншыя навіны

1 верасня Нацыянальная бібліятэка Беларусі прымае ўдзел у XXVI Дні беларускага пісьменства.

Для гасцей старажытнага горада Слоніма з фондаў галоўнага кнігасховішча краіны прывезлі акадэмічныя, навуковыя, навукова-папулярныя, літаратурна-мастацкія, біяграфічныя выданні, турыстычныя даведнікі і карты – усё гэта стала экспанатамі выстаўкі “Слонім і наваколлі”, прысвечанай Году малой радзімы. Убачыць яе можна ў будынку Слонімскага раённага цэнтра творчасці дзяцей і моладзі (вул. Першамайская, 10).

У экспазіцыі прадстаўлены матэрыялы аб яркіх гістарычных асобах, жыццёвы шлях якіх звязаны з горадам над Шчарай. Леў Сапега, Міхал Валовіч, Міхал Казімір Агінскі, Войцах Пуслоўскі – без гэтых імёнаў гісторыя Слонімшчыны не гучала б так гучна.

Цэнтр экспазіцыі занялі найбольш важныя экспанаты XVIII стагоддзя. Гэта выданне друкарні Міхала Казіміра Агінскага, праца багаслова Ігната Кульчынскага аб Жыровіцкай іконе Божай Маці, экзэмпляры з уладальніцкімі пазнакамі бібліятэк каталіцкай супольнасці “Аб’яднанне бездакорных сясцёр у Слоніме” і іншыя каштоўнасці.

Асобна размясціліся ў вітрынах кніжныя рарытэты Слонімшчыны і выданні, прысвечаныя 135-годдзю з дня нараджэння дзеяча беларускай культуры пачатку ХХ стагоддзя бібліятэкара Яўгена Хлябцэвіча.

Спецыяльна да свята ў Нацыянальнай бібліятэцы падрыхтавалі электроннае выданне “Слонім і наваколлі праз прызму старажытных дакументаў, паданняў, даследаванняў”. Падрабязнасці пра змест дыска супрацоўнікі бібліятэкі раскажуць на прэзентацыі ў Слонімскім раённым цэнтры творчасці дзяцей і моладзі.

У рамках рэспубліканскай акцыі “Чытанне – прастора інфармацыі і ведаў” бібліятэка перадасць 150 выданняў Слонімскай раённай бібліятэцы, яшчэ 100 – сярэдняй школе № 3 г. Слоніма і больш за 100 – Слонімскаму дзяржаўнаму медыцынскаму каледжу. Мерапрыемства пройдзе ў Слонімскім драматычным тэатры (пл. Леніна, 13/4).

Матэрыял прадастаўлены аддзелам сувязей з грамадскасцю.

Навіны

“Мы зарунелі на беларускіх загонах”: раннія творы маладнякоўцаў у беларускіх газетах 1917–1922 гг.

22 Вер 2019

Газеты можна параўнаць з летапісамі – на іх старонках занатаваны падзеі, якія пакінулі след у гісторыі, праз іх мы можам зазірнуць у мінулае і адчуць яго атмасферу. Паспрабуйма з дапамогай беларускіх газет 1917–1922 гадоў прасачыць, як сталелі тыя, хто ўвайшоў у склад Усебеларускага літаратурнага аб’яднання паэтаў і пісьменнікаў “Маладняк”.

Навіны бібліятэк

Які лёс беларускіх прыватных бібліятэк?

20 Вер 2019

Зборнік “Рэха беларускіх кнігазбораў: лёсы прыватных бібліятэк” выйшаў у свет у пачатку года. У ім сабраны гісторыі прыватных кніжных калекцый Беларусі пачынаючы з XVI стагоддзя. Гэтыя гісторыі гучаць досыць рэдка, пра іх мала хто ведае, аднак гэта толькі павялічвае той інтарэс, які ўзнікае пры іх прачытанні.

Навіны Нацыянальнай бібліятэкі Беларусі

Палюбіць беларускую камедыю: да 100-годдзя са дня нараджэння літаратуразнаўцы Якуба Усікава

20 Вер 2019

20 верасня споўнілася б 100 год са дня нараджэння беларускага літаратуразнаўцы, крытыка і педагога Якуба Усікава. Сваю навуковую дзейнасць ён прысвяціў беларускай драматургіі, у прыватнасці, камедыі.

Аўтарскі погляд

Нацыянальная бібліятэка далучылася да дзён расійскай духоўнай культуры

19 Вер 2019

19 верасня ў бібліятэцы прайшоў шэраг мерапрыемстваў у рамках форуму “Гістарычная, культурная і духоўная еднасць расійскага і беларускага народаў”, прымеркаванага да дзён расійскай духоўнай культуры.

Навіны Нацыянальнай бібліятэкі Беларусі

Сустрэча з адвакатам “Статус маладога спецыяліста: правы і гарантыі”

19 Вер 2019

18 верасня 2019 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Статус маладога спецыяліста: правы і гарантыі”.

Навіны Нацыянальнай бібліятэкі Беларусі

Візіт настаўнікаў беларускай мовы з Польшчы

19 Вер 2019

18 верасня для настаўнікаў беларускай мовы з Польшчы ў бібліятэцы ў межах семінара “Актуальныя пытанні вывучэння сучаснай беларускай мовы” былі арганізаваны музейныя заняткі. Сустрэча была ініцыіравана Акадэміяй паслядыпломнай адукацыі.

Навіны Нацыянальнай бібліятэкі Беларусі

Віртуальная чытальная зала працягвае знаёміць з рэсурсамі, прысвечанымі айчынным майстрам паэзіі і прозы

19 Вер 2019

Віртуальны музей Аркадзя Куляшова “Сэрца, дзе ўсёй зямлі трывога...” – гэтымі словамі паэта-класіка Аркадзя Куляшова звяртаем увагу аматараў слоўнай творчасці на персанальныя інфармацыйныя рэсурсы дзеячаў літаратуры Беларусі – М. Гарэцкага, А. Куляшова, У. Скарынкіна.

Навіны Нацыянальнай бібліятэкі Беларусі

111