18 лістапада а 16-й гадзіне ў галерэі “Ракурс” (2-гі паверх) адбудзецца ўрачыстае адкрыццё выстаўкі пленэрных работ навучэнцаў Мінскага дзяржаўнага мастацкага каледжа імя А. Глебава і прэзентацыя каталога “Пленэр 2013–2014”.
На выстаўцы, арганізаванай Міністэрствам культуры Рэспублікі Беларусь, Нацыянальнай бібліятэкай Беларусі і Мінскім дзяржаўным мастацкім каледжам імя А.К. Глебава, будзе прадстаўлена больш за 40 пленэрных работ навучэнцаў за апошнія два гады.
Штогод каледж праводзіць пленэры ў найбольш жывапісных, гістарычна значных месцах нашай краіны (Наваградак, Полацк, Ружаны, Гродна і інш.), прымае ўдзел у міжнародных пленэрах. Пад час такіх паездак навучэнцы каледжа раскрываюць новыя грані сваіх магчымасцей, адчуваючы іншы рытм жыцця, бачаць незвычайнае ў кожным імгненні, дакранаюцца да прыроды і гісторыі.
Тэлефоны для даведак: (8 017) 293 27 56, 293 28 33.
Е-mail: pr@nlb.by
