17 мая ў бібліятэцы адбыўся папярэдні адборачны этап II Рэспубліканскага конкурсу “Бібліятэка – цэнтр духоўнай асветы і выхавання”.
Конкурс праводзіцца з мэтай садзейнічання фарміраванню духоўна-маральных якасцей асобы і выхавання патрыятызму і грамадзянскасці дзяцей і моладзі на аснове культурных і дзяржаўных традыцый беларускага народа і іх гістарычнага падмурку – праваслаўя.
Заснавальнікам конкурсу з’яўляецца Беларускі экзархат Маскоўскага патрыярхата. Суарганізатары – Міністэрства культуры Рэспублікі Беларусь, Міністэрства адукацыі Рэспублікі Беларусь, Камітэт па справах рэлігій і нацыянальнасцей і Нацыянальная бібліятэка Беларусі.
З мэтай адбору конкурсных работ, якія паступілі ад публічных бібліятэк Міністэрства культуры Рэспублікі Беларусь і бібліятэк Беларускага Экзархата, для ўдзелу ў рэспубліканскім этапе конкурсу “Бібліятэка – цэнтр духоўнай асветы і выхавання” было створана кампетэнтнае журы пад старшынствам настаяцеля прыходу ў імя св. правасл. Іаана Кранштацкага г. Мінска, намесніка старшыні Сінадальнага аддзела рэлігійнай адукацыі і катэхізацыі Беларускай праваслаўнай царквы іерэя Хацеева Аляксея Сяргеевіча.
Ад публічных бібліятэк Міністэрства культуры Рэспублікі Беларусь паступіла 22 работы, з іх 5 – ад сельскіх бібліятэк. Найбольшая колькасць матэрыялаў (11) была прапанавана да разгляду ў намінацыі “Духоўна-маральнае выхаванне дзяцей і моладзі”. У намінацыю “Гісторыя праваслаўя роднага краю” паступіла 5 работ, “Сям’я – спадчынніца маральных і духоўных каштоўнасцей” – 4, “Патрыятычнае выхаванне на праваслаўных традыцыях” – 2.
Журы правяло пільны адбор работ, звяртаючы асаблівую ўвагу як на змест, так і на карэктнасць і пісьменнасць падачы матэрыялаў. Пры ацэньванні ўлічвалася сістэмнасць і планавасць праведзенай работы, супрацоўніцтва бібліятэк і праваслаўных прыходаў, манастыроў у адзіных праектах і праграмах, арыгінальнасць і паўната інфармацыйнага матэрыялу па выбраным кірунку дзейнасці, лагічнасць, паслядоўнасць падачы і г.д. У цэлым, па меркаванні журы, падзякі заслужылі ўсе аўтары конкурсных работ.
Месцы, прысуджаныя ў намінацыях, былі размеркаваны наступным чынам:
У намінацыі “Духоўна-маральнае выхаванне дзяцей і моладзі”:
першае месца
сярод гарадскіх і раённых бібліятэк:
Пружанская цэнтральная раённая бібліятэка імя М. Засіма ДУК “Пружанская раённая цэнтралізаваная бібліятэчная сістэма” Брэсцкай вобласці;
сярод гарпасялковых і сельскіх бібліятэк:
Ізабелінская сельская бібліятэка ДУК “Ваўкавыская раённая бібліятэка” Гродзенскай вобласці;
другое месца
сярод гарадскіх і раённых бібліятэк падзялілі:
ДУК “Салігорская раённая цэнтральная бібліятэка” Мінскай вобласці;
бібліятэка-філіял № 1 імя Я. Коласа ДУК “Цэнтралізаваная сістэма дзяржаўных публічных бібліятэк г. Магілёва” Магілёўскай вобласці;
трэцяе месца
сярод гарадскіх і раённых бібліятэк падзялілі:
Цэнтралізаваная бібліятэчная сістэма г. Баранавічы Брэсцкай вобласці;
дзіцячая бібліятэка ДУК “Ганцавіцкая раённая цэнтралізаваная бібліятэчная сістэма” Брэсцкай вобласці;
сярод гарпасялковых і сельскіх бібліятэк падзялілі:
Пятрышкаўская сельская бібліятэка-філіял № 2 Мінскай раённай цэнтральнай бібліятэкі Мінскай вобласці;
Дубненская сельская бібліятэка ДУК “Мастоўская раённая бібліятэка” Гродзенскай вобласці;
У намінацыі “Гісторыя праваслаўя роднага краю”:
першае месца
сярод гарадскіх і раённых бібліятэк:
Іўеўская раённая дзіцячая бібліятэка ДУК “Іўеўская раённая бібліятэка” Гродзенскай вобласці;
сярод гарпасялковых і сельскіх бібліятэк:
Абрубская сельская бібліятэка ДУК “Глыбоцкая цэнтралізаваная бібліятэчная сістэма” Віцебскай вобласці;
другое месца
сярод гарадскіх і раённых бібліятэк:
Драгічынская цэнтральная раённая бібліятэка Драгічынскай раённай цэнтралізаванай бібліятэчнай сістэмы Брэсцкай вобласці;
сярод гарпасялковых і сельскіх бібліятэк:
Светласельская сельская бібліятэка ДУК “Шумілінская цэнтралізаваная бібліятэчная сістэма” Віцебскай вобласці;
трэцяе месца
сярод гарадскіх і раённых бібліятэк:
Мядзельская цэнтральная раённая бібліятэка імя М. Танка сеткі публічных бібліятэк Мядзельскага раёна Мінскай вобласці.
У намінацыі “Сям’я – спадчынніца маральных і духоўных каштоўнасцей”:
другое месца
сярод гарадскіх і раённых бібліятэк падзялілі:
ДУК “Барысаўская цэнтральная раённая бібліятэка імя І.Х. Каладзеева” Мінскай вобласці;
ДУК “Пінская гарадская цэнтральная бібліятэка” Брэсцкай вобласці;
трэцяе месца
сярод гарадскіх і раённых бібліятэк:
ДУК “Цэнтралізаваная бібліятэчная сетка Асіповіцкага раёна” Магілёўскай вобласці.
У намінацыі “Патрыятычнае выхаванне на праваслаўных традыцыях”:
першае месца
сярод гарадскіх і раённых бібліятэк:
Клімавіцкая цэнтральная раённая бібліятэка імя І. Пехцерава ДУК “Клімавіцкая бібліятэчная сетка” Магілёўскай вобласці;
другое месца
сярод гарадскіх і раённых бібліятэк:
Бярозаўская цэнтральная раённая бібліятэка ДУК “Бярозаўская раённая бібліятэчная сістэма” Брэсцкай вобласці.
Віншуем пераможцаў папярэдняга адборачнага этапу! Бібліятэкі, якія занялі першае і другое месцы, будуць удзельнічаць у заключным рэспубліканскім этапе II Рэспубліканскага конкурсу “Бібліятэка – цэнтр духоўнай асветы і выхавання”. Зычым ім поспехаў!