20 лістапада ў Нацыянальнай бібліятэцы Беларусі адбыўся семінар-практыкум “Выкарыстанне фармату BELMARC у апісанні старадрукаваных і рэдкіх выданняў”.
Арганізатарамі мерапрыемства выступілі Нацыянальная бібліятэка Беларусі, Беларуская бібліятэчная асацыяцыя, Камітэт па ахове кніжных помнікаў.
У рамках семінара абмяркоўваўся шэраг пытанняў: стварэнне бібліяграфічных запісаў на старадрукаваныя кнігі ў фармаце BELMARC, асаблівасці апісання кірылічных выданняў ў фармаце BELMARC, выкарыстанне уніфікаваных загалоўкаў пры апісанні старадрукаваных выданняў і інш.
У рабоце семінара прынялі ўдзел спецыялісты бібліятэк, ВНУ, музеяў краіны і супрацоўнікі Нацыянальнай бібліятэкі Беларусі, якія займаюцца даследаваннем, навуковай апрацоўкай, камплектаваннем і арганізацыяй фондаў старадрукаванай і рэдкай кнігі, развіццём і падтрымкай фармату BELMARC.
 |
 |
 |
