Выйшла з друку “Інструкцыя па ўліку i захаванасці фондаў Нацыянальнай бібліятэкі Беларусі”, якая ўстанаўлівае адзіныя правілы ўліку i захаванасці дакументаў, што складаюць фонды і калекцыі бібліятэкі.
ІНСТРУКЦЫЯ вызначае:
- парадак паступлення дакументаў (у тым ліку электронных дакументаў сеткавага распаўсюджвання) у фонды Нацыянальнай бібліятэкі Беларусі;
- асаблівасці ўліку розных відаў дакументаў, рэжым іх захавання, праверкі і спісання;
уключае:
- аб’ёмісты змястоўны тэрміналагічны апарат – трактоўкі 44 паняццяў сферы фарміравання інфармацыйных рэсурсаў;
складаецца з наступных раздзелаў:
- раздзел І “УЛІК БІБЛІЯТЭЧНАГА ФОНДУ”, дзе прадстаўлены пытанні ўліку асобных відаў дакументаў (кнігі, часопісы, выданні з працягам, газеты, нотныя выданні, выяўленчыя выданні, картаграфічныя выданні, аўдыявізуальныя дакументы, электронныя дакументы, мікраформы, неапублікаваныя дакументы), індывідуальнага ўліку дакументаў, сумарнага ўліку дакументаў, прыёму і перадачы новых паступленняў, выключэння дакументаў з фондаў НББ;
- раздзел ІІ “ЗАХАВАНАСЦЬ БІБЛІЯТЭЧНЫХ ФОНДАЎ”, які раскрывае комплекс мерапрыемстваў для забеспячэння цэласнасці бібліятэчных фондаў і ўтрымання эксплуатацыйных якасцей дакументаў, асаблівасці размяшчэння, захоўвання і выкарыстання фондаў, праверку фондаў, матэрыяльную адказнасць карыстальнікаў, матэрыяльную адказнасць работнікаў бібліятэкі, справаводства ў арганізацыі ўліку фондаў.
Інструкцыя мае ў сваім складзе 27 дадаткаў.
Набыць выданне можна ў кіёску Нацыянальнай бібліятэкі Беларусі, размешчаным на 1-м паверсе каля галоўнага ўвахода.
Матэрыял пададзены аддзелам камплектавання фондаў.
