24 студзеня ў дзіцячым пакоі Нацыянальнай бібліятэкі Беларусі прайшлі творчыя заняткі “Вясёлы снегавік” з цыкла “Нетрадыцыйныя спосабы выяўлення”.
Дзеці навучыліся ствараць незвычайныя кампазіцыі, выкарыстоўваючы такія простыя матэрыялы, як вата, каляровая папера, кардон і клей.
Заняткі адкрылі дзецям разнастайнасць выяўленчых прыёмаў, матэрыялаў і тэхнік, якія дапамаглі ім асвоіць чароўны свет выяўленчай дзейнасці і найбольш поўна выказаць сваю творчую задуму.
Цёплая і творчая атмасфера спрыяла стварэнню добрага настрою ўсіх удзельнікаў. Творчы працэс дапоўнілі і разнастаілі музычная паўза, фізкультхвілінкі і прагляд мультфільма.
 |
 |
 |
