20 жніўня ў дзіцячым пакоі адбыўся майстар-клас па стварэнні сюжэтнага вырабу з прыродных матэрыялаў “Вясёлая сямейка".
Распачалося мерапрыемства прэзентацыяй мультфільма аб совах. Удзельнічаючы ў міні-віктарыне, дзеці даведаліся аб цікавых фактах пра жыццё гэтых дзівосных птушак.
Творчы падыход і багатае ўяўленне дапамаглі юным удзельнікам стварыць савіную сямейку, выкарыстоўваючы хваёвыя і яловыя шышкі, пластылін і іншы прыродны матэрыял. Арыгінальны выраб натхніў хлопчыкаў і дзяўчынак расказаць свае цікавыя гісторыі аб совах.