7 красавіка ў бібліятэцы прайшла лекцыя імідж-стыліста Кацярыны Макар “Вясновы гардэроб: як быць стыльнай вясной 2021 года”.
Кацярына падзялілася з удзельнікамі мерапрыемства сваім вопытам пераўвасаблення, расказала аб модных тэндэнцыях гэтай вясны. Для слухачоў была падрыхтавана прэзентацыя, якая выклікала вялікую цікавасць і ажыўленую дыскусію.
Дзякуючы харызме лектара і жывым зносінам мерапрыемства было напоўнена цеплынёй і пазітывам.
Лекцыю дапаўняла ілюстрацыйная тэматычная кніжная выстава, падрыхтаваная супрацоўнікамі бібліятэкі.
Аўтарскі курс Кацярыны Макар “Сакрэты стылю” прадугледжвае дзесяць сустрэч, наведаўшы якія, кожны зможа не толькі даведацца аб новых тэндэнцыях у свеце моды і стылю, але і дзякуючы прафесійнай дапамозе імідж-стыліста ажыццявіць сваё ўласнае пераўвасабленне.
Запрашаем вас на наступную лекцыю, якая адбудзецца 14 красавіка ў 15.00 у зале дакументаў па мастацтве (пам. 306).
Уваход вольны (пры наяўнасці чытацкага білета або білета сацыякультурнага цэнтра).
Тэлефон для даведак: (8 017) 293 27 53.
Матэрыял пададзены аддзелам абслугоўвання спецыялізаваных фондаў.