Пачатак новага навучальнага года Нацыянальная бібліятэка адзначыла маштабным мерапрыемствам – анлайн-канферэнцыяй віртуальнай чытальнай залы, прысвечанай актуальным пытанням інфармацыйнага забеспячэння сферы адукацыі.
2 верасня ў бібліятэцы ў вочна-дыстанцыйным фармаце сабралася больш за 150 зацікаўленых прафесіяналаў: педагогі, кіраўнікі і бібліятэкары сярэдніх школ, гімназій, ліцэяў, каледжаў, універсітэтаў Беларусі. На працягу дня спікерамі для іх выступілі партнёры віртуальнай чытальнай залы НББ – прадстаўнікі выдавецтваў і агрэгатараў ліцэнзійных электронных інфармацыйных рэсурсаў (“Директ-Медиа”, “Инфра-М”, “БиблиоРоссика”, “Лань”). Яны пазнаёмілі з ЭІР, спецыяльна створанымі для бібліятэк устаноў адукацыі: базамі даных вучэбнай, мастацкай, навуковай і метадычнай літаратуры, а таксама спецыяльнымі сэрвісамі для дапамогі ў арганізацыі дыстанцыйнай адукацыі і ўкаранення інавацыйных фарматаў навучання на ўсіх прыступках адукацыі – ад агульнай сярэдняй да вышэйшай.
Удзельнікі канферэнцыі выказалі ўпэўненасць у тым, што электронныя рэсурсы ў сённяшніх умовах з’яўляюцца неад’емнай і незаменнай часткай рэсурснай базы вучэбных бібліятэк, а прапанаваныя сэрвісы будуць садзейнічаць падтрыманню высокага ўзроўню якасці адукацыі.
Пачынаецца 2021/2022 навучальны год, набліжаецца падпіска на перыядычныя выданні і электронныя базы даных. Ацэнім, выберам і арганізуем выкарыстанне лепшых айчынных і замежных ЭІР!
Да новых прафесійных сустрэч!
- Прэзентацыя Н.М.Юрчанка. Сесія 1
- Прэзентацыя Н.М.Юрчанка. Сесія 2
- Прэзентацыя Ю.М.Ельскага. Сесія 2
- Прэзентацыя А.Л. Яманава. Сесія 1
- Прэзентацыя А.Л. Яманава. Сесія 2
Матэрыял пададзены аддзелам карпаратыўнага ўзаемадзеяння.