ГалоўнаяНавіныНавіны Нацыянальнай бібліятэкі Беларусі
Удзел бібліятэкі ў ХХIV Мінскай МКВК
Адбыўся першы Дзень навукі ў музеі кнігі

Вялікая МУЛЬТ-выстаўка васковых фігур, 3D-карціны і тантамарэскі

Вялікая МУЛЬТ-выстаўка васковых фігур, 3D-карціны і тантамарэскі
Іншыя навіны

Ламаеце галаву, чым заняць сваіх дзяцей і як адцягнуць іх увагу ад смартфонаў? Рухайцеся ў бок Нацыянальнай бібліятэкі!


Прапануем змяніць царства планшэтнага інтэрнэту на рэальную сустрэчу з героямі любімых мультфільмаў, а таксама пагрузіцца ў свет аптычных ілюзій.

7 лютага ў памяшканні 104 адкрываецца ВЯЛІКАЯ інтэрактыўная выстаўка васковых фігур “Казачнае падарожжа”!

“Саюзмультфільм”, “Млын”, Walt Disney, PIXAR… Чароўныя маляваныя і камп’ютарныя суcветы гэтых і іншых анімацыйных студый сышлі з экранаў TV. Паўсотні папулярных персанажаў – героі і ліхадзеі – чакаюць вас на вялікай пляцоўцы, каб перанесці ў свет фэнтэзі і неверагодных прыгод!

Цікава і весела будзе УСІМ! Смяшарыкі запрашаюць у госці самых маленькіх і дапытлівых. Хлопчыкаў і дзяўчынак старэйшага ўзросту чакае кампанія звышлюдзей – непараўнальны герой коміксаў Бэтмен, доблесны абаронца планеты Пандоры Аватар, а таксама вясёлыя героі “Ледніковага перыяду”: нязграбны Гультай Сід, Апосум і Вавёрка Ляцяга.

Бацькам таксама не прыйдзецца сумаваць! Кожны дарослы сустрэне тут аб’екты настальгіі, захоча спыніцца, каб павітаць старых сяброў. Вось – няўлоўны Заяц і змучаны Воўк з кароннай фразай “Ну, заяц, пачакай!”, ласун Карлсан і мадэмуазэль Фрэкен Бок, якая дакладна ведае ўсе сакрэты паспяховага выхавання. Неверагодных памераў Барбі, Васіліса Прыгожая, Белая і Чырвоная каралевы захопяць увагу маленькіх прынцэс. А юных вандроўцаў чакаюць марскія прыгоды разам з Сіндбадам Мараходам, выкрутлівым Джэкам Вераб’ём і сустрэча з вераломным капітанам “Лятучага галандца” Дэйві Джонсам.

І гэта яшчэ не ўсё! Зрабіць ашаламляльныя фота вы зможаце каля незвычайных інсталяцый, якія ствараюць аптычныя і зрокавыя ілюзіі. Не варта верыць усяму, што тут адбываецца. Стваральнікі работ па-майстэрску выкарыстоўвалі магчымасці святла, колеру і яго адценняў, каб прымусіць гледачоў паверыць у цуд ці ў тое, чаго насамрэч няма. Тантамарэскі і 3D-карціны перанясуць вас на дно марскога акіяна, на Мадагаскар ці проста за каралеўскі стол у Краіну цудаў. Дарэчы, мы ўжо забраніравалі вам месца побач з Алісай! Так што паспяшайцеся!

У кожнага часу свае героі. Адны сыходзяць у гісторыю, з’яўляюцца іншыя любімыя персанажы. Але ўсе яны нязменна звязаны з дзяцінствам, словамі “Мам, ну ўключы мульцік”, задзірлівым смехам і бязмежнай верай у тое, што дабро заўсёды перамагае зло.

Мы чакаем вас
Панядзелак – пятніца 10:00–21:00
Субота – нядзеля 10:00–18:00

З чэрвеня 2017 г.
Панядзелак – пятніца 10:00–20:00
Нядзеля – ВЫХАДНЫ

Апошні панядзелак месяца – сандзень.

Не забудзьце прыхапіць фотаапарат, добры настрой і вясёлую кампанію сяброў!

Тэлефон для даведак: (8 017) 266 37 37.
Е-mail: pr@nlb.by

Навіны

Нацыянальная бібліятэка афарбавалася ў колеры канадскага флага

2 Ліп 2020

1 ліпеня Дзень Незалежнасці адзначае Канада. З нагоды нацыянальнага свята паўночнаамерыканскай краіны на вонкавым электронным светлавым табло Нацыянальнай бібліятэкі Беларусі з’явіўся бела-чырвоны сцяг з кляновым лістом – сімвалам Канады. Акцыя прайшла па ініцыятыве Міністэрства замежных спраў Рэспублікі Беларусь.

Навіны Нацыянальнай бібліятэкі Беларусі

Больш за 4 тыс. нумароў беларускіх часопісаў міжваеннага перыяду сталі даступны анлайн

2 Ліп 2020

Нацыянальная бібліятэка Беларусі працягвае адкрываць анлайн свае фонды. Напярэдадні Дня Незалежнасці Рэспублікі Беларусь паўнатэкставая электронная калекцыя “Беларуская літаратурная спадчына. Часопісы 1919–1939 гг.” папоўнілася новымі выданнямі.

Бібліятэка анлайн

2 Ліп 2020

Творчасць Валянціны Паліканінай даўно заўважана не толькі айчыннымі літаратарамі, але і замежнымі. Зрэшты, дзейнасць паэтэсы, публіцыста, перакладчыцы не абмяжоўваецца толькі літаратурай. Пасля аддзела культуры часопіса «Беларусь» яна працягвае журналісцкую працу ў часопісе «Гаспадыня». Нядаўна стала вядома, што Валянціна Паліканіна – у ліку іншых дзечаў культуры, якія неўзабаве атрымаюць медаль Францыска Скарыны.

Навіны бібліятэк

1 Ліп 2020

Папулярызацыя беларускай мовы і беларускай кнігі – справа вельмі шматгранная, і поспех залежыць ад мноства фактараў і многіх людзей. Адным з найбольш камерцыйна ўдалых кірункаў гэтай не надта масавай і, адпаведна, не надта выгаднай справы з’яўляюцца пераклады сусветнай літаратуры на беларускую мову.

Навіны бібліятэк

Гайд у дапамогу журналісту

30 Чэр 2020

Нацыянальная бібліятэка дае магчымасці для даследчай працы не толькі ў навуковых мэтах, але і журналісцкіх. Расказваем, што і дзе шукаць, калі вы пішаце артыкул для СМІ.

Аўтарскі погляд

111