13 лютага а 15-й гадзіне ў мабільнай галерэі (3-ці паверх) адбудзецца ўрачыстае адкрыццё фотавыстаўкі Валерыя Махнача “Востраў мужнасці і смутку”, прысвечанай 25-годдзю вываду савецкіх войск з Афганістана.
Выстаўка прадставіць грамадскасці частку ўнікальнага фоталетапісу, які ствараецца вопытным фотааматарам Валерыем Махначом без малога 30 гадоў. Фотаздымкі адлюстроўваюць храналогію “афганскага” руху, працэс стварэння помніка воінам-інтэрнацыяналістам, загінуўшым у Афганістане, “Востраў Мужнасці і Смутку” (Валерый Махнач з’яўляецца адным з аўтараў і праекціроўшчыкаў мемарыяла, што размешчаны каля Траецкага прадмесця ў г. Мінску).
Сын ветэрана Сталінградскага фронту, Валерый з дзяцінства быў у асяроддзі ветэранаў вайны. У 1960–1980-я гады ён арганізоўваў пошукавыя экспедыцыі па баявых месцах, “зорныя паходы” па месцах Славы, быў актыўным удзельнікам Усесаюзнага паходу па месцах славы савецкага народа, удзельнічаў у шэфскай рабоце з ветэранамі Вялікай Айчыннай вайны.
Тэлефон для даведак: (8 017) 293 27 56.
Е-mail: pr@nlb.by