14 лістапада ў дзіцячым пакоі прайшоў майстар-клас па скрапбукінгу “Восеньскі выраб”.
Дзякуючы рабоце з рознакаляровай паперай і разнастайнымі дэкаратыўнымі элементамі дзеці змаглі ацаніць карысць заняткаў скрапбукінгам. У творчым працэсе яны змаглі праявіць фантазію, кампазіцыйныя ўменні, павучыліся цярпенню і акуратнасці.
На майстар-класе хлопчыкі і дзяўчынкі стваралі сваімі рукамі сапраўдныя шэдэўры. Яны карпатліва выразалі розныя фігуры, афармлялі часткі ў цэлае, правільна размяшчаючы іх у прасторы. Кожнае дзіця атрымала задавальненне ад творчасці, стварыўшы свой восеньскі настольны каляндарык.