1 ліпеня 2009 года ў рамках візіту ў Міністэрства абароны Рэспублікі Беларусь у сувязі са святкаваннем 65-й гадавіны вызвалення Рэспублікі Беларусь ад нямецка-фашысцкіх захопнікаў Нацыянальную бібліятэку наведала дэлегацыя ветэранаў з Расійскай Федэрацыі.
Для гасцей была арганізавана аглядная экскурсія па Нацыянальнай бібліятэцы Беларусі, у ходзе якой яны даведаліся пра асаблівасці дзейнасці бібліятэкі ва ўмовах нядаўна ўзведзенага будынка. Ветэранаў пазнаёмілі з новай экспазіцыяй музея кнігі “Падпольны і партызанскі друк Беларусі”: да 65-годдзя вызвалення Беларусі ад нямецка-фашысцкіх захопнікаў”.
Асабліва зацікавіла экскурсантаў кніжна-дакументальная выстаўка “Нескароная Беларусь”, прысвечаная гераізму, які праявіў беларускі народ у гады Вялікай Айчыннай вайны.
 |
 |
 |
