16 сакавіка 2009 года ў рамках візіту ў Беларусь Нацыянальную бібліятэку наведала в’етнамская парламенцкая дэлегацыя на чале са старшынёй Камітэта па бюджэце і фінансах Нацыянальнага сходу Сацыялістычнай Рэспублікі В’етнам Фунг Куок Хіенам.
Гасцей вітала намеснік дырэктара па навуковай рабоце і сувязях з грамадскасцю Людміла Генадзьеўна Кірухіна. Для дэлегацыі была арганізавана аглядная экскурсія па Нацыянальнай бібліятэцы Беларусі. Госці пазнаёміліся з работай бібліятэкі па абслугоўванні чытачоў, яе інфармацыйнымі рэсурсамі, тэхнічным абсталяваннем, даведаліся пра гісторыю бібліятэкі, архітэктурныя асаблівасці яе новага будынка, мастацкае афармленне інтэр’ераў.
У музеі кнігі члены в’етнамскай дэлегацыі пазнаёміліся з калекцыяй рарытэтаў з фондаў Нацыянальнай бібліятэкі Беларусі.
Напрыканцы экскурсіі члены дэлегацыі мелі магчымасць палюбавацца прыгажосцю сталіцы з вышыні птушынага палёту на агляднай пляцоўцы будынка бібліятэкі.
 |
 |
 |
