30 красавіка 2009 года ў рамках афіцыйнага візіту ў Рэспубліку Беларусь Нацыянальную бібліятэку Беларусі наведала в’етнамская парламенцкая дэлегацыя на чале са старшынёй Нацыянальнага сходу Сацыялістычнай Рэспублікі В’етнам Нгуен Фу Чонгам.
У Нацыянальнай бібліятэцы Беларусі для высокіх гасцей была праведзена аглядная экскурсія. Члены дэлегацыі пазнаёміліся з асноўнымі кірункамі дзейнасці бібліятэкі, яе інфармацыйнымі рэсурсамі, тэхнічным абсталяваннем, структурай чытальных залаў, сістэмай абслугоўвання чытачоў, архітэктурнымі асаблівасцямі будынка, афармленнем інтэр’ераў, калекцыяй рарытэтных выданняў.
У музеі кнігі спадар Нгуен Фу Чонг пакінуў памятны запіс у кнізе ганаровых гасцей.