17 студзеня прыемным сюрпрызам для бібліятэкі стаў візіт родных беларускага пісьменніка Леаніда Мартынавіча Дайнекі.
Удава Зінаіда Міхайлаўна, сыны Сяргей, Дзмітрый і Сцяпан, нявестка Таццяна, унучкі Валерыя і Тэкля наведалі залу беларускай літаратуры, дзе ладзіцца кніжная выстаўка “Плывец па рацэ гісторыі”, прысвечаная 80-годдзю з дня нараджэння пісьменніка.
З вялікім задавальненнем сям’я пазнаёмілася з прадстаўленай экспазіцыяй і была шчыра ўражана вялікай колькасцю сабраных матэрыялаў. Цёплыя словы, усмешкі, успаміны пра Леаніда Мартынавіча напоўнілі залу.
Сустрэча з аматарамі і даследчыкамі творчасці пісьменніка, інтэрв’ю, экскурсія па бібліятэцы, наведванне музея кнігі, фотасесія сталі добрым працягам сустрэчы.
Матэрыял прадастаўлены аддзелам абслугоўвання спецыялізаванымі фондамі.
Чытайце таксама: "Дыялог пісьменніка і даследчыцы працягваецца"