11–12 лістапада Нацыянальную бібліятэку Беларусі наведаў прэзідэнт Нацыянальнай бібліятэкі Францыі Бруна Расін.
Візіт прэзідэнта Нацыянальнай бібліятэкі Францыі стаў важным крокам на шляху далейшага развіцця і ўмацавання існуючых культурных адносін паміж нацыянальнымі бібліятэкамі Беларусі і Францыі.
Свайго французскага калегу ў Нацыянальнай бібліятэцы Беларусі сустракаў яе дырэктар Раман Матульскі. Ён правёў аглядную экскурсію па галоўнай скарбніцы ведаў краіны, падчас якой спадар Бруна Расін азнаёміўся з асноўнымі кірункамі дзейнасці бібліятэкі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі і мастацкім афармленнем інтэр'ераў.
У музеі кнігі ўвазе госця была прадстаўлена калекцыя рарытэтных выданняў з фондаў Нацыянальнай бібліятэкі Беларусі. Прэзідэнт Нацыянальнай бібліятэкі Францыі пакінуў памятны запіс у Кнізе ганаровых гасцей.
Даная дамова з'яўляецца рамачнай і вызначае адносіны паміж дзвюма ўстановамі. Дамова стварае прававую аснову для пашырэння культурнага ўзаемадзеяння паміж бібліятэкамі і заклікана садзейнічаць далейшаму ўмацаванню двухбаковых кантактаў. Асноўнымі кірункамі супрацоўніцтва з'яўляюцца: распрацоўка даследаванняў у сферы апрацоўкі інфармацыі, інфарматызацыі, аблічбоўкі; рэалізацыя сумесных выставак на базе нацыянальных калекцый дакументаў; развіццё адукацыйных праграм для супрацоўнікаў бібліятэк; арганізацыя канферэнцый, семінараў і інш.
Пасля падпісання дамовы дырэктар Нацыянальнай бібліятэкі Беларусі Раман Матульскі і прэзідэнт Нацыянальнай бібліятэкі Францыі Бруна Расін адказалі на пытанні журналістаў.