13 ліпеня 2009 года ў рамках рабочага візіту ў Рэспубліку Беларусь Нацыянальную бібліятэку Беларусі наведалі прадстаўнікі групы кампаній “Хэрадз”, у ліку якіх – графіня Рэйні Спенсер.
Госці пазнаёміліся з дзейнасцю бібліятэкі па абслугоўванні чытачоў, яе інфармацыйнымі рэсурсамі, тэхнічным абсталяваннем, у тым ліку абсталяваннем для людзей з парушэннямі апорна-рухальнага апарату, даведаліся пра гісторыю бібліятэкі, архітэктурна-будаўнічыя асаблівасці яе новага будынка, мастацкае афармленне інтэр’ераў.
У музеі кнігі ўвазе наведвальнікаў была прадстаўлена калекцыя рарытэтных выданняў з фондаў Нацыянальнай бібліятэкі Беларусі. З агляднай пляцоўкі будынка бібліятэкі гасцям адкрыўся панарамны від сталіцы.