24 сакавіка 2009 года Нацыянальную бібліятэку Беларусі наведаў Надзвычайны і Паўнамоцны Пасол Італіі ў Рэспубліцы Беларусь спадар Джуліо Прыджоні.
У час сяброўскай сустрэчы дырэктар Нацыянальнай бібліятэкі Беларусі Р.С. Матульскі ўручыў чытацкі білет спадару Джуліо Прыджоні і запрасіў на экскурсію па будынку бібліятэкі, у час якой госць меў магчымасць пазнаёміцца з асноўнымі кірункамі дзейнасці Нацыянальнай бібліятэкі Беларусі, яе інфармацыйнымі рэсурсамі, тэхнічным абсталяваннем, сістэмай чытальных залаў, асаблівасцямі абслугоўвання чытачоў і сацыякультурнай дзейнасцю.
Напрыканцы візіту Надзвычайны і Паўнамоцны Пасол перадаў у дарунак Нацыянальнай бібліятэцы Беларусі калекцыю кніг, прызначаных для шырокага кола чытачоў.
 |
 |
