28 чэрвеня ў рамках культурнай праграмы знаходжання ў г. Мінску бібліятэку наведала парламенцкая дэлегацыя Каралеўства Тайланд, якую ўзначаліў Старшыня Нацыянальнага заканадаўчага схода Каралеўства Тайланд Понпеч Вічытчалчай.
Дырэктар Нацыянальнай бібліятэкі Беларусі Раман Матульскі правёў для парламенцкай дэлегацыі Каралеўства Тайланд азнаямленчую экскурсію, падчас якой расказаў пра гісторыю і рэсурсы ўстановы, яе магчымасцях як інфармацыйнага і сацыякультурнага цэнтра. Падчас экскурсіі госці змаглі ацаніць архітэктурныя асаблівасці і мастацкае афармленне “дыямента ведаў”, а таксама наведалі музей кнігі.
Старшыня Нацыянальнага заканадаўчага схода Каралеўства Тайланд Панпеч Вічытчалчай пакінуў памятны запіс у кнізе Ганаровых гасцей Нацыянальнай бібліятэкі Беларусі.
У завяршэнне сустрэчы бакі абмяняліся памятнымі падарункамі.