13 чэрвеня ў рамках афіцыйнага візіту бібліятэку наведала парламенцкая дэлегацыя Індыі на чале са спікерам Лок сабхі (ніжняй палаты) парламента Рэспублікі Індыя Сумітрай Махаджан.
Дырэктар Нацыянальнай бібліятэкі Беларусі Раман Матульскі правёў для ганаровых гасцей аглядную экскурсію па будынку бібліятэкі, падчас якой пазнаёміў іх з гісторыяй і архітэктурай “беларускага дыямента”.
Наведаўшы аглядную пляцоўку бібліятэкі, удзельнікі дэлегацыі атрымалі задавальненне ад віду сталіцы Беларусі з вышыні птушынага палёту, а таксама пазнаёміліся з калекцыяй буквароў розных народаў свету ў музеі кнігі.
Раман Матульскі таксама распавёў гасцям пра 400-гадовы юбілей першага Буквара, які мы адзначаем сёлета, і праект па факсімільным аднаўленні каштоўнага помніка беларускай кніжнай культуры – “Буквара” 1816 года. На памяць аб праведзенай сустрэчы Раман Сцяпанавіч паднёс удзельнікам экскурсіі факсіміле “Буквара” 1767 года.
Напрыканцы сустрэчы спадарыня Сумітра Махаджан ад імя ўсіх членаў дэлегацыі выказала падзяку за прыём і экскурсію, пакінула запіс у Кнізе ганаровых гасцей і перадала Нацыянальнай бібліятэцы Беларусі каштоўныя памятныя падарункі.
