17 кастрычніка ў рамках афіцыйнага візіту ў Рэспубліку Беларусь Нацыянальную бібліятэку Беларусі наведаў міністр замежных спраў, гандлю і інтэграцыі Рэспублікі Эквадор Рыкарда Патынья Арока.
У Нацыянальнай бібліятэцы Беларусі высокага госця сустракала першы намеснік дырэктара па абслугоўванні карыстальнікаў і ідэалогіі Алена Далгаполава.
Для спадара міністра была арганізавана аглядная экскурсія, падчас якой ён азнаёміўся з работай бібліятэкі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў. Экскурсія прадоўжылася на закрытай агляднай пляцоўцы бібліятэкі, адкуль адкрываецца маляўнічы від на сталіцу і наваколле.
У музеі кнігі ўвазе госця была прадстаўлена калекцыя рарытэтных выданняў з фондаў Нацыянальнай бібліятэкі Беларусі. Спадар Пацінья Арока пакінуў памятны запіс у Кнізе ганаровых гасцей.