28 лютага бібліятэку наведала міністр культуры Свярдлоўскай вобласці Расійскай Федэрацыі Святлана Мікалаеўна Учайкіна.
Для ганаровай госці прайшла экскурсія па будынку бібліятэкі, падчас якой яна пазнаёмілася з дзесяцігадовай гісторыяй "дыямента ведаў", ацаніла яго архітэктурныя асаблівасці і мастацкае афармленне.
Асабліва ўразілі Святлану Мікалаеўну кніжныя скарбы Нацыянальнай бібліятэкі, прадстаўленыя ў музеі кнігі. Наведванне круглай залы, выставачных галерэй, агляднай пляцоўкі дазволіла прадставіць госці той патэнцыял, якім валодае бібліятэка як найбуйнейшы сацыякультурны цэнтр краіны.