28 студзеня 2009 года ў рамках рабочага візіту ў Рэспубліку Беларусь Нацыянальную бібліятэку Беларусі наведала намеснік прэм’ер-міністра, міністр культуры Рэспублікі Татарстан Расійскай Федэрацыі Зіля Рахім’янаўна Валеева.
Для яе была праведзена экскурсія па будынку Нацыянальнай бібліятэкі Беларусі, у ходзе якой намеснік дырэктара па навуковай рабоце і сувязях з грамадскасцю Людміла Генадзьеўна Кірухіна пазнаёміла госцю з гісторыяй і рэсурсамі бібліятэкі, а таксама з унікальнасцю архітэктурна-будаўнічага комплексу і мастацкім афармленнем бібліятэкі.
У Музеі кнігі Зіля Рахім’янаўна пакінула памятны запіс у Кнізе ганаровых гасцей.