24 студзеня Нацыянальную бібліятэку Беларусі наведаў міністр культуры і тэлерадыёвяшчання Туркменістана Г.Х. Мурадаў.
Візіт адбыўся ў рамках праграмы знаходжання ў Беларусі членаў Кабінета міністраў Туркменістана, якія ўдзельнічаюць у падрыхтоўцы афіцыйнага візіту прэзідэнта Туркменістана ў Рэспубліку Беларусь.
Спадара Г.Х. Мурадава вітаў дырэктар Нацыянальнай бібліятэкі Беларусі Р.С. Матульскі.
Для дэлегацыі была арганізавана аглядная экскурсія па бібліятэцы. Госці пазнаёміліся з дзейнасцю Нацыянальнай бібліятэкі Беларусі, архітэктурна-канструкцыйнымі асаблівасцямі будынка, тэхнічным аснашчэннем, інфармацыйнымі рэсурсамі, мастацкім афармленнем інтэр’ераў.
У музеі кнігі ўвазе гасцей была прадстаўлена калекцыя рарытэтных выданняў з фондаў Нацыянальнай бібліятэкі Беларусі.
Напрыканцы экскурсіі госці падняліся на аглядную пляцоўку бібліятэкі, адкуль ім адкрыўся маляўнічы пейзаж сталіцы і яе наваколля.