6 ліпеня ў рамках Дзён культуры Украіны ў Беларусі бібліятэку наведаў дзяржаўны сакратар Міністэрства культуры Украіны Расціслаў Уладзіміравіч Карандзееў.
Для ганаровага госця прайшла аглядная экскурсія па будынку Нацыянальнай бібліятэкі Беларусі, падчас якой ён пазнаёміўся з гісторыяй кніжнай скарбніцы, наведаў яе найбольш значныя месцы, ацаніў патэнцыял установы як найбуйнейшага сацыякультурнага цэнтра нашай краіны.
Расціслаў Карандзееў атрымаў асалоду ад віду на сталіцу Беларусі, наведаўшы аглядную пляцоўку бібліятэкі, а таксама пазнаёміўся з калекцыяй буквароў народаў свету ў музеі кнігі.
Напрыканцы сустрэчы госцю быў перададзены памятны падарунак.