24 кастрычніка 2009 года Нацыянальную бібліятэку Беларусі наведаў з візітам дэпутат палаты прадстаўнікоў парламента Японіі, старшыня Асацыяцыі дружбы і парламенцкіх сувязей з Рэспублікай Беларусь Есіноры Оона.
Госць пазнаёміўся з дзейнасцю Нацыянальнай бібліятэкі Беларусі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў.
Напрыканцы экскурсіі спадар Оона падняўся на аглядную пляцоўку бібліятэкі, адкуль яму адкрыўся маляўнічы пейзаж сталіцы і наваколля.