18 мая Нацыянальную бібліятэку Беларусі наведалі дэлегацыі сталічных падраздзяленняў органаў унутраных спраў / паліцыі дзяржаў – удзельніц Садружнасці Незалежных Дзяржаў.
Падчас экскурсіі гасцей пазнаёмілі са 100-гадовай гісторыяй Нацыянальнай бібліятэкі Беларусі, архітэктурнымі рашэннямі, тэхнічнымі магчымасцямі і мастацкім афармленнем будынка, распавялі аб унікальных калекцыях кніжных помнікаў, якія захоўваюцца ў фондах, аб інфармацыйных рэсурсах і сацыякультурнай дзейнасці.
Наведванне чытальных залаў, музея кнігі, выставачных галерэй, агляднай пляцоўкі дазволіла гасцям наглядна прадставіць той патэнцыял, якім валодае галоўная бібліятэка Беларусі.
Напрыканцы сустрэчы гасцям былі ўручаны падарункі ў памяць аб візіце ў Нацыянальную бібліятэку Беларусі.
Матэрыял пададзены аддзелам сувязей з грамадскасцю.