23 кастрычніка ў рамках рабочага візіту бібліятэку наведаў сакратар Савета бяспекі пры Прэзідэнце Рэспублікі Узбекістан Віктар Уладзіміравіч Махмудаў.
Для ганаровай дэлегацыі дырэктар Нацыянальнай бібліятэкі Беларусі Раман Сцяпанавіч Матульскі правёў аглядную экскурсію па будынку бібліятэкі. Віктар Уладзіміравіч пазнаёміўся з гісторыяй кніжнай скарбніцы і яе архітэктурнымі асаблівасцямі, наведаў найбольш значныя месцы – агульную чытальную залу, галерэйны комплекс, Круглую залу і аглядную пляцоўку.
На заканчэнне сустрэчы дырэктар галоўнай бібліятэкі краіны ўручыў ганароваму госцю памятны падарунак – факсіміле “Буквара” 1618 года, выхад якога прымеркаваны да 400-годдзя яго выдання.
