13 сакавіка Нацыянальную бібліятэку Беларусі наведала дэлегацыя Рэспублікі Сербія на чале з прэзідэнтам Сербіі Таміславам Ніколічам.
У Нацыянальнай бібліятэцы Беларусі гасцей вітала першы намеснік дырэктара па абслугоўванні карыстальнікаў і ідэалогіі Алена Далгаполава.
Для членаў дэлегацыі была арганізавана аглядная экскурсія, пад час якой яны азнаёміліся з работай бібліятэкі, архітэктурна-канструкцыйнымі асаблівасцямі будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў. Таміславу Ніколічу ўручылі чытацкі білет Нацыянальнай бібліятэкі Беларусі.
У музеі кнігі да ўвагі гасцей была прадстаўлена калекцыя рарытэтных выданняў. Прэзідэнт Сербіі пакінуў памятны запіс у Кнізе ганаровых гасцей.