17 чэрвеня 2009 года Нацыянальную бібліятэку Беларусі наведала дэлегацыя Міністэрства унутраных спраў Султанату Аман на чале з міністрам шэйхам Саудам аль-Бусаідзі.
Дэлегацыя прыбыла ў Рэспубліку Беларусь з мэтай абмену вопытам у сферы праваахоўнай дзейнасці.
У Нацыянальнай бібліятэцы Беларусі гасцей вітаў дырэктар Раман Сцяпанавіч Матульскі. Члены дэлегацыі пазнаёміліся з дзейнасцю ўстановы як інфармацыйнага і сацыякультурнага цэнтра рэспублікі, сістэмай абслугоўвання чытачоў, структурай чытальных залаў, архітэктурай новага будынка бібліятэкі, мелі магчымасць палюбавацца прыгажосю сталіцы з агляднай пляцоўкі.
У знак глыбокай павагі шэйх Сауд аль-Бусадзі падарыў Нацыянальнай бібліятэцы кнігі, у якіх адлюстравана культурна-гістарычная спадчына аманскага народа.
 |
 |
 |
 |
 |
 |
