24 лістапада ў рамках афіцыйнага візіту бібліятэку наведала дэлегацыя Генеральнай пракуратуры Ісламскай Рэспублікі Іран на чале з генеральным пракурорам Махамадам Джафарам Мантазеры.
Намеснік дырэктара Нацыянальнай бібліятэкі Беларусі Алена Ерамееўна Далгаполава правяла для ганаровых гасцей азнаямленчую экскурсію па будынку бібліятэкі, падчас якой распавяла пра інфармацыйныя рэсурсы і паслугі, якія прадастаўляе ўстанова.
Удзельнікі дэлегацыі наведалі кніжную выстаўку іранскай літаратуры. Асаблівую цікавасць выклікалі ў гасцей рукапісныя кнігі, з якімі яны пазнаёміліся ў музеі кнігі і самым сэрцы будынка – фондасховішчы “дыямента”.
Наведванне прэзідэнт-цэнтра, агляднай пляцоўкі і іншых прывабных месцаў бібліятэкі дазволіла гасцям ацаніць архітэктурныя асаблівасці і мастацкае афармленне будынка, а таксама магчымасці ўстановы як сацыякультурнага цэнтра.
У завяршэнне сустрэчы бакі абмяняліся памятнымі падарункамі.
 |
 |
 |
 |
 |
 |
 |
 |
 |
 |
 |
 |
