22 мая Нацыянальную бібліятэку Беларусі наведала індыйская парламенцкая дэлегацыя на чале са спікерам Народнай палаты парламента Рэспублікі Індыя Мейрай Кумар.
У Нацыянальнай бібліятэцы Беларусі гасцей вітаў дырэктар Раман Матульскі. Для дэлегацыі была арганізавана аглядная экскурсія, пад час якой госці азнаёміліся з работай бібліятэкі, архітэктурна-канструкцыйнымі асаблівасцямі будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў.
У музеі кнігі да ўвагі членаў дэлегацыі была прадстаўлена калекцыя рарытэтных выданняў. Спікер Народнай палаты парламента Рэспублікі Індыя Мейра Кумар пакінула памятны запіс у Кнізе ганаровых гасцей.