26 кастрычніка ў рамках рабочага візіту бібліятэку наведала дэлегацыя пенітэнцыярнай службы Міністэрства юстыцыі Азербайджанскай Рэспублікі на чале з намеснікам міністра юстыцыі Азербайджана – начальнікам пенітэнцыярнай службы, генерал-маёрам юстыцыі Гасанавым Джэйхунам Акбер аглы.
Для ганаровай дэлегацыі дырэктар Нацыянальнай бібліятэкі Беларусі Раман Сцяпанавіч Матульскі правёў аглядную экскурсію па будынку бібліятэкі, падчас якой госці пазнаёміліся з гісторыяй кніжнай скарбніцы – найбуйнейшага інфармацыйнага і сацыякультурнага цэнтра краіны. Раман Сцяпанавіч расказаў пра архітэктурныя асаблівасці новага будынка, прадэманстраваў магчымасці абслугоўвання карыстальнікаў у сучасных чытальных залах. Госці таксама наведалі галерэйна-выставачны комплекс, Круглую залу і аглядную пляцоўку.
На заканчэнне сустрэчы Р. Матульскі ўручыў Джейхуну Гасанаву памятны падарунак – факсіміле «Буквара» 1618 года, выхад якога прымеркаваны да 400-годдзя яго выдання.