29 лістапада бібліятэку наведалі ўдзельнікі сумеснага пасяджэння Савета міністраў замежных спраў, Савета міністраў абароны і Камітэта сакратароў саветаў бяспекі Арганізацыі Дагавора аб калектыўнай бяспецы.
Дырэктар Нацыянальнай бібліятэкі Беларусі Раман Матульскі правёў для ганаровых гасцей азнаямленчую экскурсію. Ён расказаў гісторыю кніжнай скарбніцы, прадставіў найбольш значныя месцы бібліятэкі і распавёў пра патэнцыял найбуйнейшага сацыякультурнага цэнтра краіны.
Падчас экскурсіі госці змаглі ацаніць архітэктурныя асаблівасці і мастацкае афармленне “дыямента ведаў”, а таксама наведалі міжнародную выстаўку “Францыск Скарына і яго эпоха”, прысвечаную 500-годдзю беларускага кнігадрукавання.
Раман Сцяпанавіч акцэнтаваў увагу гасцей на галоўных экспанатах – прыжыццёвых выданнях беларускага першадрукара. Таксама вялікую цікавасць у іх выклікала факсімільнае выданне “Кніжная спадчына Францыска Скарыны” – унікальны шматтомнік, у якім сабраны разгрупаваныя па ўсім свеце тэксты славутага першадрукара і гуманіста.