31 ліпеня бібліятэку наведала афіцыйная дэлегацыя Ханоя на чале з намеснікам першага сакратара Ханойскага гарадскога камітэта Камуністычнай партыі В’етнама Даа Дык Таанам.
У рамках візіту адбылася сустрэча членаў дэлегацыі з кіраўніцтвам Нацыянальнай бібліятэкі, падчас якой удзельнікі абмеркавалі пытанні двухбаковага супрацоўніцтва ў галіне культуры і бібліятэчнай справы.
Першы намеснік дырэктара Нацыянальнай бібліятэкі Беларусі Алена Далгаполава, намеснікі дырэктара Таццяна Кузьмініч і Аляксандр Суша падзяліліся з в’етнамскім бокам вопытам кіравання бібліятэкай, а таксама пазнаёмілі членаў дэлегацыі з гісторыяй установы, яе інфармацыйнымі рэсурсамі і патэнцыялам найбуйнейшага сацыякультурнага цэнтра краіны.
Для ганаровых гасцей прайшла азнаямляльная экскурсія па будынку бібліятэкі, якая ўключала наведванне Круглай залы і музея кнігі. Удзельнікі дэлегацыі змаглі ацаніць незвычайныя архітэктурныя рашэнні і афармленне інтэр’ера, а таксама бліжэй пазнаёміцца з гісторыяй кніжнай культуры Беларусі. Напрыканцы сустрэчы бакі абмяняліся памятнымі падарункамі.