15 кастрычніка ў рамках афіцыйнага візіту ў Рэспубліку Беларусь Нацыянальную бібліятэку наведала афіцыйная дэлегацыя Рэспублікі Куба на чале з намеснікам старшыні Савета Міністраў Марына Мурыльё.
У Нацыянальнай бібліятэцы Беларусі дэлегацыю вітаў дырэктар Раман Матульскі. Для гасцей была арганізавана аглядная экскурсія, пад час якой яны азнаёміліся з работай бібліятэкі, архітэктурна-канструкцыйнымі асаблівасцямі будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў.
Экскурсія прадоўжылася на закрытай агляднай пляцоўцы бібліятэкі, адкуль разгортваецца маляўнічы від на сталіцу і наваколле.
У музеі кнігі да ўвагі высокіх гасцей была прадстаўлена калекцыя рарытэтных выданняў з бібліятэчных фондаў. Намеснік старшыні Савета Міністраў Рэспублікі Куба Марына Мурыльё пакінуў памятны запіс у Кнізе ганаровых гасцей.