Нацыянальная бібліятэка Беларусі знаёміць чытачоў з 15 відамі спорту, якія ўключаны ў праграму II Еўрапейскіх гульняў.
Гакаўніцы і ручніцы XVI ст.
У Мінску на 12 найбуйнейшых спартыўных аб’ектах праходзяць II Еўрапейскія гульні. У галоўнай спартыўнай падзеі лета прымаюць удзел каля 4 000 спартсменаў з 50 краін свету.
Гульня ў валан
Анлайн-рэсурс “Еўрапейскія гульні 2019: 15 яркіх акцэнтаў”, падрыхтаваны Нацыянальнай бібліятэкай Беларусі, знаёміць з выбітнымі трэнерамі і спартсменамі ў відах спорту, заяўленых у праграме II Еўрапейскіх гульняў.
Веласіпед мадэлі "кастатрас"
У праекце прадстаўлены цікавыя гістарычныя факты, яркія моманты з гісторыі правядзення спартыўных спаборніцтваў, спартыўныя дасягненні і рэкорды па 23 спартыўных дысцыплінах.
Ланкашырская барацьба
Для падрыхтоўкі праекта выкарыстоўваліся матэрыялы з фондаў Нацыянальнай бібліятэкі Беларусі: кнігі, фатаграфіі, плакаты, артыкулы са спартыўных часопісаў, інфармацыя з сайтаў II Еўрапейскіх гульняў, Нацыянальнага алімпійскага камітэта Рэспублікі Беларусь і іншых інтэрнэт-рэсурсаў.
Інфармацыя даступна на беларускай, рускай і англійскай мовах.
Матэрыял прадастаўлены аддзелам фарміравання электроннай бібліятэкі.
