Падчас віртуальнага падарожжа аддаленыя карыстальнікі могуць пазнаёміцца з унікальным архітэктурным комплексам бібліятэкі, як бы знаходзячыся ўнутры яе будынка.
У аснове распрацоўкі гэтага сэрвісу знаходзіцца інавацыйная тэхналогія апрацоўкі і прадстаўлення прасторавых выяў. Сутнасць гэтай тэхналогіі заключаецца ў адлюстраванні прасторы па ўсіх напрамках на экране манітора. Гэта значыць, што чалавек можа бачыць усё вакол сябе так, як гэта адбываецца ў рэальным жыцці. Ён можа паглядзець уверх і ўніз, направа і налева. Можа наблізіць выяву, каб разгледзець дэталі, або аддаліць. Вы самі можаце кіраваць напрамкам адлюстравання прасторы пры дапамозе клавіятуры або мышы.
Нацыянальная бібліятэка Беларусі выказвае падзяку за сумеснае супрацоўніцтва студыі «Image. Media».
