Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.
Удзельнікам былі прадстаўлены алгарытмы і перавагі выкарыстання ліцэнзійных электронных рэсурсаў у бібліятэчным абслугоўванні карыстальнікаў, а таксама інфармацыйна-аналітычнай дзейнасці публічных бібліятэк на сучасным этапе. Асаблівая ўвага была нададзена магчымасцям прадстаўлення ў ВЧЗ баз даных, генераваных бібліятэкамі-партнёрамі, з мэтай іх папулярызацыі і прасоўвання ў інтэрнэт-прасторы.
Віртуальная чытальная зала адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання рабоце з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.