Нацыянальная бібліятэка працягвае серыю мерапрыемстваў, прысвечаных пытанням метадычнага забеспячэння работы публічных бібліятэк розных рэгіёнаў нашай краіны.
10 чэрвеня адбыўся анлайн-семінар “Магчымасці выкарыстання рэсурсаў віртуальнай чытальнай залы Нацыянальнай бібліятэкі Беларусі ў інфармацыйна-бібліятэчным абслугоўванні карыстальнікаў бібліятэк Мінскай вобласці”.
Віртуальная сустрэча была арганізавана для нашых калег з Мінскай абласной бібліятэкі імя. А.С. Пушкіна, цэнтралізаваных гарадскіх і раённых бібліятэчных сістэм сталічнай вобласці. З прывітальным словам семінар адкрыла генеральны дырэктар Нацыянальнай бібліятэкі Беларусі Аксана Кніжнікава.
Асаблівая ўвага была нададзена такому актуальнаму пытанню, як алгарытмы выкарыстання электронных рэсурсаў пры арганізацыі абслугоўвання ў дыстанцыйным рэжыме. Абмеркаваны магчымасці прасоўвання ў карыстальніцкае асяроддзе і папулярызацыя генерыраваных публічнымі бібліятэкамі Мінскай вобласці баз даных праз прадстаўленне іх на пляцоўцы ВЧЗ.
Віртуальная чытальная зала НББ адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання працы з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
