Працягваем серыю віртуальных сустрэч з публічнымі бібліятэкамі з розных рэгіёнаў Беларусі. 13 мая прайшоў анлайн-семінар “Магчымасці выкарыстання рэсурсаў віртуальнай чытальнай залы Нацыянальнай бібліятэкі Беларусі ў інфармацыйным бібліятэчным абслугоўванні карыстальнікаў бібліятэк Віцебскай вобласці”.
Размова ішла аб даступных праз віртуальную чытальную залу НББ электронных інфармацыйных рэсурсах, важных для выкладчыкаў і вучоных, а таксама аматараў мастацкай і навукова-папулярнай літаратуры. Слухачам распавялі аб калекцыях політэматычных баз даных, аддаленым доступе да рэсурсаў, а таксама аб магчымасцях падпіскі і тэставым доступе для бібліятэк Віцебскай вобласці. Падпіска і тэставы доступ працягваюцца.
Віртуальная чытальная зала НББ адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання рабоце з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.