17 снежня рэсурсы для інфармацыйнага забеспячэння навукова-практычнай дзейнасці вучоных і спецыялістаў у галіне медыцыны прапанаваны ў рамках серыі анлайн-мерапрыемстваў віртуальнай чытальнай залы Нацыянальнай бібліятэкі Беларусі.
Падчас мерапрыемства загадчыца аддзела карпаратыўнага ўзаемадзеяння Марына Рудакоўская пазнаёміла ўдзельнікаў з электроннымі інфармацыйнымі рэсурсамі, якія змяшчаюць актуальную паўнатэкставую інфармацыю па ўсіх кірунках медыцынскай навукі і практыкі, ахове здароўя. Звярнула таксама ўвагу слухачоў семінара на спецыяльную калекцыю на партале НББ “COVID-19: навуковыя рэсурсы вядучых выдавецтваў” і адзначыла асаблівасці і перавагі карпаратыўнай падпіскі на ліцэнзійныя рэсурсы.
У анлайн-сустрэчы прынялі ўдзел прадстаўнікі вядучых медыцынскіх цэнтраў Беларусі, а таксама нашы калегі-бібліятэкары з Рэспубліканскай навуковай медыцынскай бібліятэкі.
Віртуальная чытальная зала адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання працы з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
